Hefurðu velt orðinu forsjá fyrir þér?

11.10.2021 | 14:59

Hefurðu velt orðinu forsjá fyrir þér?

Í daglegu tali heyrist enn til fólks tala um að foreldrar hafi forræði yfir börnum sínum. Mörg ár eru síðan hætt var að nota orðið forræði í lögum. Hið rétta er að nota orðið forsjá. Orðið forræði lýsir gömlum gildum um að foreldrar ráði yfir börnum sínum en orðið forsjá leggur áherslu á eðli foreldrahlutverksins sem felur í sér skyldu til umönnunar og verndar. Mikilvægt er að þekkja rétt barns til þátttöku og áhrifa í ákvörðunum sem það varðar. Barn er einstaklingur með sín eigin mannréttindi og það er mikilvægt að foreldrar líti á hlutverk sitt þannig að þau hafi skyldu til að leiðbeina barni sínu og vera því til stuðnings til að það geti blómstrað og notið tækifæra sinna í lífinu.

Flokkur: Bloggar | Breytt 12.10.2021 kl. 13:44 | Facebook

Athugasemdir

Gömlu gildin eru oftast góð. Forræði er gott orð. Það lýsir ágætlega nauðsyn þess að foreldrar taki rökréttar ákvarðanir fyrir börn sín þeim til heilla og láti þau ekki komast upp með óhlýðni. Börn geta auðvitað ekki ráðið lífi sínu sjálf.

Sá sem sparar vöndinn, hatar son sinn, en sá sem elskar hann, agar hann snemma. Orðskv 13:24.

Þolið aga. Guð fer með yður eins og syni. Hver er sá sonur, sem faðirinn ekki agar? Hebrea 12:7

Guðmundur Örn Ragnarsson (IP-tala skráð) 12.10.2021 kl. 00:49

Mikið vantar í allan þennan sáttmála. Hægri höndin gerir eitt, en sú vinstri annað. Gömlu gildin og gömlu landslögin veittu öllum börnum okkar rétt til lífs. Frá árinu 1975 höfum við drepið, í stað þess að vernda, tugþúsundir barna okkar í móðurkviði.

Þetta ætti að vera í textanum:

Aðildarríki Barnasáttmálans viðurkenna að sérhvert barn hefur rétt til lífs frá getnaði. Sérhverri móður er skylt að veita barni sínu góða forsjá strax eftir getnaði.

Það er ekki að ástæðulausu að rétturinn til lífs er samtvinnaður við réttinn til þess að þroskast.

Guðmundur Örn Ragnarsson (IP-tala skráð) 12.10.2021 kl. 10:32

Vernda barnaverndarlög bara sum börn?

Þannig hljóðar fyrirsögn á grein Helgu Völu Helgadóttur í Morgunblaðinu í dag.

Eru ófædd börn ekki í hópi sumra barna spyr ég?

Guðmundur Örn Ragnarsson (IP-tala skráð) 14.10.2021 kl. 18:52

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Barnaheill - Save the Children á Íslandi

Höfundur

Barnaheill - Save the Children á Íslandi

Barnaheill – Save the Children á Íslandi eru hluti af alþjóðasamtökunum Save the Children sem stofnuð voru árið 1919 og vinna að réttindum og velferð barna með barnasáttmála Sameinuðu þjóðanna að leiðarljósi. Barnaheill eru leiðandi afl í að breyta viðhorfum og verklagi varðandi málefni barna og réttindi þeirra. Framtíðarsýn Barnaheilla er heimur þar sem sérhvert barn hefur tækifæri til að lifa og þroskast, fær gæðamenntun, lifir öruggu lífi og hefur tækifæri til að hafa áhrif. Við stöndum vaktina í þágu barna og gætum réttinda þeirra.